Жапония АҚШ арқылы Украинаға Patriot зымырандарын жеткізуі мүмкін

Жапония АҚШ арқылы Украинаға Patriot зымырандарын жеткізуі мүмкін деп жазады Washington Post, - деп хабарлайды Arbat.media.
 
Басылымның хабарлауынша, осы жұмада Токио АҚШ-қа бірнеше ондаған зымырандарды тасымалдауға рұқсат беретін заңнамаға түзетулер енгізеді.

АҚШ Конгресінің Киевке көмектесу туралы шешімін кешіктіруден қорыққан Байден тамыз және қараша айларында Жапония премьер-министрі Фумио Кишидамен Патриот зымырандарын жеткізу мәселесін талқылады, деп жазады WP.

Жапония америкалық Patriot әуе қорғаныс жүйелеріне арналған зымырандарды шығарады.

Болашақта Вашингтон Еуропадан тыс басқа серіктестердің көмегіне үміт артады, деп қорытындылады WP.