100-ден астам онкологиялық науқастың құқығы қорғалды
Ақмола облысының прокуратурасы мүмкіндіктері шектеулі тұлғалардың құқықтарын сақтау заңдылығына талдау жүргізді. Онкологиялық дертке шалдыққан 109 адамның мүгедектік тобын анықтау үшін медициналық-әлеуметтік сараптамаға жібермеу түріндегі құқықтарын бұзу анықталды, - деп хабарлайды Arbat.media.
«Мысалы, Көкшетау қаласы тұрғындарының бірі 2022 жылдан бері онкологтың есебінде тұрған. Алайда емдеуші дәрігермен мүгедектікті, мүгедектік дәрежесін анықтау және қажетті әлеуметтік қорғау шараларын анықтау мәселесіне бастамашылық жасалмаған», — деп жазды бақылаушы органнан.
Қадағалау актісі бойынша медициналық ұйымдардың басшылары қатаң тәртіптік жауапкершілікке тартылып, онкологиялық науқастардың мүгедектік дәрежесін анықтау бойынша жұмыстар жүргізілуде.
