“40-44 градус”: 17 маусымға арналған ауа райы болжамы

Мамандар 17 маусымға арналған ауа райы болжамын ұсынды, деп хабарлайды Arbat.Media.

Бүгін республиканың басым бөлігінде циклон ықпалынан найзағай ойнап, жаңбыр жауады. Елдің солтүстік-батысында, солтүстігінде, батыста бұршақ жаууы мүмкін.

Қазақстанның оңтүстігінде ғана ауа райы жауын-шашынсыз болады. Республика бойынша жел күшейіп, оңтүстігінде шаңды дауыл тұрады.

Ұлытау облысында 35-39, облыстың оңтүстігінде күн 42 градусқа дейін ысиды.

Қызылорда, Түркістан облыстарында 40-44, күндіз Жамбыл облысында термометр бағамы 40 градусқа дейін көтеріледі.

Солтүстік Қазақстан, Ақмола, Павлодар, Алматы, Абай, Жетісу облыстарында, Қарағанды облысының батысында, Қостанай облысының оңтүстігінде температура 35-39 градус шамасында сақталады.

Астанада күн ала бұлтты. Ауа температурасы +33+35°С, желдің жылдамдығы 7-12 м/с.

Алматыда күн ала бұлтты. Ауа температурасы +34+36°С, желдің жылдамдығы 3-8 м/с.

Шымкентте күн қатты ыстық. Ауа температурасы +39+41°С, желдің жылдамдығы 8-13 м/с.