Адам ұрлау, бопсалау: Астана мен Алматыда қылмыстық топ ұсталды

Астана және Алматы қалаларында бірқатар ауыр және аса ауыр қылмыс жасаған қылмыстық топ ұсталды, деп хабарлайды Arbat.Media.

Ішкі істер министрлігінің мәліметінше, күдіктілерге адам ұрлау, бопсалау және бөтеннің мүлкін қасақана жою фактілері бойынша айып тағылып отыр. Алматы қаласындағы эпизодтардың бірінде қаскөйлер жергілікті тұрғынды ұрлап, күш қолданып, одан 12 млн теңге талап еткен.

Бизнес өкілдеріне қысым көрсету, сондай-ақ оларды қорқыту мақсатында автокөліктерді өртеу фактілері тіркелді. 20-дан астам тінту жүргізіліп, ірі көлемдегі ақша, суық қару және өзге де заттай дәлелдемелер тәркіленді.

Алты күдікті уақытша ұстау изоляторына қамалды. Жедел-тергеу іс-шаралары жалғасып жатыр.