Алматыда шілде айында жоғалған ер адам өлі табылды

Талғар ауданында шілдеде жоғалып кеткен 46 жастағы ер адам Алматыда өлі табылды, деп хабарлайды Arbat.Media.

Бұл туралы LIDER.KZ еріктілері Instagram-парақшасында жазды.

Мамбетов Асқар Абдужалилович, 1978 жылғы, 14 шілдеде Тұздыбастау ауылында жоғалып кеткен. Сол күні шамамен сағат 11:30-да ол Бердығұлов көшесі, 18 а мекенжайында орналасқан орталық мешіттен шыққан.

Куәгерлердің айтуынша, одан кейін ер адамды аялдамада көрген, ол №54 автобусқа мініп, Алматыға бет алған. Содан бері оның қайда екені белгісіз болған.

Бұған дейін ер адамның қаланы білмейтіні және психикалық ауруы бар екені хабарланған еді.

Еріктілердің ақпаратына сәйкес, жоғалған адамның денесі 14 тамызда табылған. Ал 17 тамызда оны жұбайы таныды. Бұл — зорлық-зомбылықсыз өлім жағдайы.