Ақтауда дәрігерлер сәбидің өкпесінен темір зат алып шықты

Дәрігерлер 4 ай бойы «астмадан» емделген 11 айлық сәбидің өмірін сақтап қалды, деп хабарлайды Arbat.Media.

Нәрестенің жағдайы күрт нашарлап, демікпесі күшейген соң ауруханаға жеткізілген. Тексеріс барысында рентген сәбидің өкпесінде жатқан темір затты көрсеткен. Ал ота кезінде дәрігерлер оның жанынан шемішке қабығын анықтады.

Мамандардың айтуынша, осы металл зат бірнеше ай бойы өкпеде жатқан. Егер шемішке тыныс жолын бітеп, жағдайды ушықтырмағанда, баланы әлі де "астмадан" емдеуі мүмкін еді.

Бөгде заттар алынған соң, нәрестенің мазасын алған жөтел басылған.