Маңғыстау облысында жеңіл көлік жылқыға соқтығысып, екі адам қаза тапты

Маңғыстау облысында жеңіл көлік жылқыға соқтығысып, екі адам қаза тапты, деп хабарлайды Arbat.Media.

Маңғыстау облысында Бейнеу – Шетпе – Ақтау тасжолында екі көлік жылқыға соқтығысқан.

Lada.kz мәліметінше, оқиға туралы ақпаратты Полиция департаменті растаған. 26 қазанда таңғы сағат 7:30-да кезекші бөлімге жол апаты туралы хабар түскенін айтты.

"Mercedes-Benz көлігінің жүргізушісі жылқыны қағып кеткені анықталды. Оның артынан келе жатқан Nissan Teana көлігі де жылқыға соғылған", – делінген хабарламада.

Mercedes-Benz көлігіндегі екі жолаушы алған ауыр жарақаттарынан оқиға орнында қаза тапқан.