Нью-Йорк әуежайында ұшақ өрт сөндіру көлігіне соғылды

Монреальдан Нью-Йорктегі Ла-Гуардия әуежайына ұшып келген ұшақ қону кезінде өрт сөндіру көлігіне соғылды. Салдарынан бірнеше адам зардап шекті, деп хабарлайды Arbat.Media.

Air Canada әуе компаниясының ұшағы өрт сөндіру көлігіне соғылып, порт әкімшілігінің екі қызметкері ауыр жарақат алды.

Зардап шеккен полиция қызметкерлері әуе кемелеріне қатысты төтенше жағдайларға әрекет ету үшін құрылған авиациялық құтқару және өрт сөндіру бөлімінде жұмыс істейді.

Bombardier CRJ-900 ұшағының бортында 100 жолаушы болған. Қазіргі уақытта олардың жағдайы тексеріліп жатыр.