Павлодарда мұғалім 1 млн теңгені қалтасына басты

Павлодарда ҰБТ-ға көмектесемін деп 1 миллион теңге алған бұрынғы мұғалім ұсталды, деп хабарлайды Arbat.Media.

IIM-нің мәліметінше, полицияға ер адам шағымданып, Павлодардағы мектептердің бірінде бұрын мұғалім болып істеген азамат өзіне ҰБТ тапсыруға жәрдем беремін деп уәде бергенін, ақысына 1 миллион теңге алғанын айтқан.

«Аталған дерек бойынша сотқа дейінгі тергеп-тексеру басталды. Қазіргі уақытта күдіктінің өңір аумағында осыған ұқсас өзге де қылмыстарға қатысы бар-жоқ екені тексеріліп жатыр», - деп хабарлайды полиция департаменті.