Қарағанды облысындағы кәсіпорын темір рудасын шетелге заңсыз шығарған

Қарағанды облысындағы кәсіпорын темір рудасын шетелге заңсыз шығарған, деп хабарлайды Arbat.Media.

Қарағанды облысының мамандандырылған табиғат қорғау прокуратурасы қадағалау қызметі барысында пайдалы қазбаларды заңсыз өндіру фактілерін анықтады.

Аудан кәсіпорындарының бірі төрт жыл бойы темір рудасын лицензиясыз заңсыз өндіріп, оны шетелге шығарғаны анықталды. Нәтижесінде мемлекетке 2 млрд теңгеден астам шығын келтірілген.

Үш күдікті қамауға алынып, 500 млн теңгеден астам мүлікке тыйым салынды.

Қылмыстық іс сотқа жіберілді.