Қарағандыдағы полиция бекетінде табылған қыздың мәйіті туралы тың дерек шықты

Қарағандыдағы полиция бекетінде 23 жастағы қыздың қайтыс болуы туралы резонанстық істің жаңа деректері пайда болды, деп хабарлайды Arbat.Media.

Учаскелік инспектор өзінің таныс қызын 30 қыркүйекте емес, бір күн бұрын, 29 қыркүйек күні түнде қызмет бөлмесіне әкелген. Бақылау камераларындағы бейнеден олар түнгі сағат 23:00 шамасында ғимаратқа айқай-шусыз кіргенін көруге болады. Қыздың қолы кісенделмеген, ол полиция бекетіне өзі кіреді. Дереккөздердің хабарлауынша, ер адам мен марқұм қыз жақын қарым-қатынаста болған. Ал учаскелік инспектор қызды түнгі кезекшілік кезінде жұмысына алып келген.

Келесі күні, 30 қыркүйекте, аға учаскелік офицер жалаңаш қыздың денесін тапты. Ал майордың өзі көрші бөлмеде ес-түссіз жатты. Ер адам ауруханаға жеткізілді. Қазір ол жансақтау бөлімінен палатаға ауыстырылды.

«Науқастың жағдайы орташа, тұрақты. Ол барлық қажетті емдеуді алады», - деді дәрігерлер.