Қазақстанда жылдық инфляция 12,3% болды

Ұлттық статистика бюросының мәліметінше, 2025 жылғы желтоқсанда айлық инфляция деңгейі 0,9% құрады, деп хабарлайды Arbat.Media.

Азық-түлік тауарлары 1,2%-ға, азық-түлікке жатпайтын тауарлар 0,7%-ға, ақылы қызметтер 0,6%-ға қымбаттады.

Сондай-ақ жекелеген дәрі-дәрмектер, автомобильдер және электр құралдары арзандаса, ал смартфондар мен жеке гигиена тауарлары қымбаттаған.

Коммуналдық қызметтер арасында су бұру тарифтері 2,4%-ға өссе, суық су бағасы 0,9%-ға төмендеді. Сонымен қатар бір айда такси, монша және кинотеатр қызметтері қымбаттады.

2025 жылғы жылдық инфляция 12,3% болды. Желтоқсанда азық-түлік тауарларының жылдық өсімі 13,5%, азық-түлікке жатпайтын тауарлар 11,1%, ақылы қызметтер 12%-ды құрады.

Өңірлер арасында жылдық инфляцияның ең төмен деңгейі Алматы қаласы мен Қостанай облысында 11,7% болса, Абай, Жамбыл және Батыс Қазақстан облыстарында 11,8% деңгейінде тіркелді.

2025 жылғы қаңтардан бастап тұтыну бағалары индексінің құрылымында азық-түлік тауарларының үлесі 40%, азық-түлікке жатпайтын тауарлар 30,3%, ақылы қызметтер 29,7% болды.