«Талғарда төтенше жағдай»: Ұрланған қыздың тіліне 8 тігіс салынды

Талғарда ұрланған қыздың тіліне 8 тігіс салынды, деп хабарлайды Arbat.Media.

Адвокат Гауһар Сариева Талғарда ұрланған қыздың жағдайы туралы айтып, істің кейбір мән-жайларымен бөлісті.

Instagram-парақшасында заңгердің жазуынша, балаға ота жасалып, дәрігерлер тілін тігіп, сегіз тігіс салған.

Күдікті көлігімен жардан құлаған кезде, бала көлікте болған. Жарақаттарды сол кезде алған, - деп жазды Сариева.

Адвокаттың айтуынша, қыздың анасы – медбике. Күдікті әйелдің ағасын атып тастаған кезде, ол көршісінің үйінде болған. Ол онкологиялық науқасқа ем жасап жатқан.