Давид Лория Қазақстан футбол федерациясындағы қызметінен кетті

Давид Лория Қазақстан футбол федерациясының бас хатшысы лауазымынан кетті, деп хабарлайды Arbat.Media.

Қазақстан ұлттық құрамасының бұрынғы қақпашысы Давид Лория Қазақстан футбол федерациясының бас хатшысы лауазымынан кеткенін мәлімдеді. Бұл туралы танымал спортшы өзінің Instagram әлеуметтік желісіндегі ресми парақшасында жазды.

Лория федерациядағы қызметін аяқтау туралы шешімді бүгін, 2 маусымда қабылдаған. Оның айтуынша, ұйым басшылығы тарапынан басқа қызметке ауысу туралы ұсыныс түскен, алайда ол бұл қадамға бармауды жөн көрген.