Нұрқожа Қайпанов еркін күрестен әлем чемпионы атанды

Албания астанасы Тиранада олимпиадалық емес салмақтарда өтіп жатқан әлем чемпионатында Нұрқожа Қайпанов алтын жүлде еншіледі. Нұрқожа Қайпанов 70 келіде біріншіліктің финалдық бәсекесінде жапон балуанынан басым түсті. Отандасымыз финалға дейінгі белдесулерінде, 1/16 финалда Митчелл Луис Файнсильверді 9:0 есебімен жеңсе, 1/8 сынында Николай Грахмезді 14:2 ұпайымен тізе бүктірді, - деп хабарлайды Arbat.media.

Бұл туралы Egemen.kz жазады.

1/4 финалда Акаки Кемертелидзені 12:2 есебімен қапы қалдырса, финал жолдамасы берілетін жартылай сында Абділмажид Кудиевтен 13:2 нәтижесімен айласын асыра алды.

26 жастағы жерлесіміз 2019 жылы Астанада өткен әлем чемпионатының финалында бақ сынап, күміс жүлдеге қол жеткізді.

Жерлестеріміз үшін әлем чемпионаты мәресіне жетті. Жарыс қорытындысы бойынша 3 бірдей балуанымыз әлем біріншілігінің финалында белдесіп, 2 алтын, 1 күміс еншіледі.