Новости: Абай облысы

Абай облысы - Қазақстандағы жалғыз еуразиялық порталдағы соңғы жаңалықтар тізімі. туралы жаңа ақпаратты оқыңыз 【Абай облысы】 жаңалықтар Arbat media
arbat media
20 қараша 2024 / Новости Казахстана

Бір аптада 49 рет жол ережесін бұзған жүргізуші бір миллион айыппұл арқалады

Chevrolet Cobalt көлігінің жүргізушісі 1 аптада 49 рет жол ережесін бұзып, 1,2 миллион теңге айыппұл арқалаған. Оны Абай облысының полиция қызметкерлері ұстады. Облыстық ПД баспасөз қызметінің мәлім етуінше жол ережесін жиі бұзған жүргізуші – «Қорғау» автоматтандырылған жүйесі арқылы анықталған. Оның көлігі тәркіленіп, айыппұл тұрағына қойылған. 
arbat media
25 қазан 2024 / Новости Казахстана

Абай және Жетісу облыстары Алматыға 350 тоннадан астам өнім әкеледі

25-26 қазан, осы демалыс күндері Абай және Жетісу облыстары Алматыға 350 тоннадан астам өнім әкеледі. Алматы әкімдігінің мәліметінше, алдағы демалыс күндері сағат 8.00-ден 17.00-ге дейін кеңейтілген ауылшаруашылық жәрмеңкесі өтеді. Екі облыстың фермерлері қатысады. 
arbat media
20 қазан 2024 / Новости Казахстана

Абай облысында биыл cәбилерге қандай ерекше есімдер қойылды

Абай облысында жыл басынан бері 4000-нан астам бала дүниеге келген. Олардың кейбіреулеріне ерекше есім қойылған. «Азаматтарға арналған үкімет» мемлекеттік корпорациясы АҚ Абай облыстық филиалының мәліметіне сүйенсек, өңір бойынша биыл 4000-нан астам бала туған. Қыз балалар арасында ең танымал есімдер - Томирис, Айлана, Аруна болса, ұлдар арасында Ханторе, Арсен және Айбар есімдері алдыңғы қатарға шықты. Бұл есімдер жаңа туған нәрестелерге 20-дан астам рет қойылған. Кейбір ата-ана балаларына ерекше ат қойған. Мысалы, Румайса есімді қыз және Ильдан есімді ұл бір рет қана тіркелген. 
arbat media
10 қазан 2024 / Новости Казахстана

Абай облысында әлі де барлық үйге жылу берілген жоқ

Абай облысында орталықтандырылған жылу жүйесіне қосылған үйлердің 90 пайызына жылу берілді. Облыстық Энергетика және тұрғын үй-коммуналдық шаруашылық басқармасының мәліметіне сүйенсек, ауа температурасының төмендеуіне байланысты Семейде жылу беру маусымы 1 қазанда басталды. 
arbat media
23 қыркүйек 2024 / Новости Казахстана

Абай облысында халық әртісі Бибігүл Төлегеноваға құрмет көрсетілді

Абай облысында Қазақстанның халық әртісі, КСРО халық әртісі, Абай облысының Құрметті азаматы, әнші Бибігүл Төлегенованың 95 жылдығына арналған «Қазақтың Бибігүлі – халықтың бұлбұл үні» атты концерт өтті. Ән кешінде отандық және шетелдік композиторлардың операларынан ариялар, халық әндері, романстар, оркестрлік шығармалар орындалды. Концертте Әміре Қашаубаев атындағы Мемлекеттік филармония жанындағы «Бибігүл» қазақ халық аспаптар оркестрі, мәдениет саласының үздігі Нұрбек Өмірбеков, республикалық конкурстардың лауреаты, Әміре Қашаубаев атындағы Мемлекеттік филармонияның әншісі Әйгерім Тоқтыбаева, республикалық конкурстардың лауреаты, Абай облысы әкімінің эстрадалық-симфониялық оркестрінің солисі Әйгерім Әшірова өнер көрсетті. 
arbat media
22 тамыз 2024 / Новости Казахстана

Абай облысында 370 млн теңгенің ферроқорытпасын ұрлаған қылмыстық топ ұсталды

Абай облысында пойыз арқылы Жапония мен Үндістанға бара жатқан 370 млн теңгенің мүлкі қолды болды. «Бас көлік прокуратурасының үйлестіруімен Семей және Аягөз станциялары арасындағы учаскеде жүк пойыздарынан бірнеше рет ферроқорытпа ұрлаған топтың қылмыстық әрекеті тоқтатылды. Бұл жүк «Қазхром» ТҰК» АҚ құрамына кіретін Ақсу ферроқорытпа зауытына тиесілі болған. Жүк Қытай арқылы Жапония мен Үндістанға жіберілген болатын», - дейді Көліктегі ПД бастығы Бақытжан Малыбаев мәлімдеді.