Qarmet жұмысын жаңғыртуға 35 млрд теңге бөлмек

Qarmet металлургия комбинатының жұмысын қайта жандандыру бағытында стратегия әзірленіп жатыр. Бұл туралы Экология және табиғи ресурстар министрлігі Экологиялық реттеу және бақылау комитетінің төрағасы Ерболат Кожиков мәлім етті, - деп хабарлайды Arbat.media.

Qarmet акционерлері мен Үкімет арасындағы келісім шеңберінде компанияның өндірісті жаңғырту және қайта құру жөніндегі міндеттеме нақтыланды, - деп жазады Kazinform агенттігі.

Осылайша өндірісті жаңғырту үшін 35 млрд теңге бөлу міндеті жүктелді. Соңғы 6 ай ішінде компаниямен бірлесіп өндірісті жаңғырту жөніндегі стратегияны әзірлеу және бекіту бойынша жұмыстар жүргізіліп жатыр. Аталған стратегия біздің министрлік, Денсаулық сақтау министрлігімен және басқа да тиісті ведомстволармен келісілді», - деді Ерболат Кожиков Орталық коммуникациялар қызметі алаңында өткен баспасөз мәслихатында.

Комитет басшысының айтуынша, аталған кәсіпорын жұмысын жаңғыртуға арналған стратегия жақын арада бекітіледі.