АҚШ-та маймыл шешегінің жаңа штаммын адамға жұқтырудың алғашқы жағдайы анықталды

Америка Құрама Штаттарында маймыл шешегінің жаңа штамын адамға жұқтырудың алғашқы жағдайы анықталды. Калифорнияда жақында Шығыс Африкадан оралған адамнан mpox вирусының Clade 1 нұсқасы (бұрын «маймыл шешек» деп аталған) табылды. Қазір бұл науқас үйде оқшауланып, емделіп жатыр, деп жариялады Reuters, - деп хабарлайды Arbat.media.

Clade 1 штаммы биыл Африкада пайда болды. Қыркүйек айының соңынан бері негізінен Бурунди, Уганда және Конго Демократиялық Республикасында ауруды жұқтырған 3,1 мыңнан астам адам анықталды. Вирустың бұл штаммының жағдайлары Африкадан тыс елдерде, соның ішінде Германияда да тіркелген.

Айта кетсек, 14 тамызда Дүниежүзілік денсаулық сақтау ұйымы әлемнің бірнеше елінде маймыл шешегінің таралуына байланысты денсаулық сақтау саласында төтенше жағдай жариялады.

Жалпы, жыл басынан бері Африкада 19 мыңға жуық адам осы аурумен ауырып, 500-ден астам науқас қайтыс болды. Mpox белгілері - жүрек айну, жоғары температура, бөртпе, қышу және бұлшықеттің ауыруы.