ТАСС: Ресей әскерилері Украина үшін соғысқан Ұлыбритания азаматын тұтқынға алды

Ресей әскерилері Курск маңында Украина үшін соғысқан Ұлыбритания азаматын тұтқынға алды. Британдықтың есімі Джеймс Скот Рис Андрсен, деп жазады Ресей мемлекеттік агенттігі құқық қорғау органдарындағы дереккөздерге сілтеме жасап. Ер адамның жауап алу сәтінің видеосы ресейлік Telegram арналарында жарияланды. Онда ол 2019 жылдан 2023 жылға дейін британ армиясының сигналдық полкінде қызмет еткенін және ол жерден кеткеннен кейін «қаржы және отбасы мәселесіне байланысты» Украинаның шетелдік легионына қосылғанын айтады, - деп хабарлайды Arbat.media.

Reuters агенттігі оның видеосының шынайылығын әзірге тексеру мүмкін болмағанын жазады.

Ресей билігі британдықтың тұтқынға алынғаны туралы ақпаратты ресми түрде растамады.

Британ Сыртқы істер министрлігі журналистердің өтінішіне жауап бермеді.

Алайда, бұдан бұрын, ВВС хабарлағандай, министрлік британ азаматының тұтқындалғаны туралы хабардан кейін оның отбасына қолдау көрсетіп жатқанын хабарлады.