17 жыл халықаралық іздеуде болған қазақстандық Қырғызстаннан экстрадицияланды

17 жыл халықаралық іздеуде болған қазақстандық Қырғызстаннан экстрадицияланды, деп хабарлайды Arbat.Media.

Бас прокуратураның хабарлауынша, күдікті 2007–2008 жылдары Алматыда ұйымдасқан қылмыстық топтың басшысы болып, елдегі банктердің бірінен 183 миллион теңгеден астам ақшаны қайтарымсыз несие беру арқылы ұрлаған. Қаражат топ мүшелері арасында бөлініп, жеке мақсаттарына пайдаланылған.

Қылмыс жасағаннан кейін ұйымдасқан қылмыстық топ мүшелерінің бір бөлігі сотталған, ал күдіктіге халықаралық іздеу жарияланған.

2026 жылғы ақпанда ол Бішкекте ұсталды.

Қазіргі уақытта күдікті тергеу изоляторына қамалды. Айып тағылған қылмыстар үшін мүлкі тәркіленіп, 12 жылға дейін бас бостандығынан айыру жазасы көзделген.