Air Astana ұшақтары кешігуі мүмкін

Airbus компаниясы өз ұшақтарына арналған бағдарламалық қамтамасыз етуді шұғыл жаңартып жатыр, деп хабарлайды Arbat.Media.

Ресми деректерге сүйенсек, FlyArystan-да 28 ұшақ бар, олардың барлығы — Airbus. Ал Air Astana -да 33 ұшақ болса, соның 30-ы — Airbus.

Қазақстандық әуе тасымалдаушы ескертеді:

“Air Astana тобы пайдаланатын Airbus ұшақтары қауіпсіздікті қамтамасыз ету мақсатында міндетті жаңартуды жүргізу үшін базалық әуежайларда кешіктірілетін болады.

Air Astana ұшу кестесіне әсерін барынша азайту үшін барлық мүмкін шараларды қабылдап жатыр, дегенмен рейстер өзгеруі мен кешігуі мүмкін. Жолаушыларға өз рейстерінің мәртебесін әуе компанияларының сайттарынан алдын ала тексеріп отыру ұсынылады”.