Актер Мұрат Бисембин қайтыс болды

«Рэкетир» фильмі арқылы көрерменге танылған актер Мұрат Бисембин көз жұмды , деп хабарлайды Arbat.Media.

Мұрат Бисембин 54 жасында қайтыс болды. Ол бір жылдан аса уақыттан бері онкологиялық аурумен күресті. Соңғы уақытта оның жағдайы күрт нашарлап, инсульт алып ауруханаға түсті.

Актердің қызы «Соңғы бір жарым жылда әкем мен анам көп қиындықтан өтті. Бір ауруханадан екіншісіне, клиникадан клиникаға, бітпейтін анализдер, емдеу, химия терапиясы, қалпына келу – барлығы артта қалды» деп жазған еді.