Алматы әкімдігі шетелдік туристерге сыйлық үшін 44 миллион теңге жұмсады

Алматы әкімдігі шетелдік туристерге сыйлық үшін 44 миллион теңге жұмсады, деп хабарлайды Arbat.Media.

Бұл қаражатқа қала логотипі бар сувенирлер мен киімдер жасалады: пиала, магнит, футболка, шоппер, рюкзак, powerbank, шапан, тақия, кәдесый карталар, хош иісті шам және тағы басқа заттар. Өнімдер туристік ақпарат орталықтары, іс-шаралар, акциялар мен брендтік көрмелерде таратылады.

Жоба жергілікті қолөнершілер мен дизайнерлердің туындыларын насихаттап, Алматының туристік беделін арттыруға бағытталған. Қазақстанның басқа өңірлері де имидждік өнімдерге миллиондап ақшабөліп, туристік көрмелер мен акциялар үшін дайындық жүргізіп отыр.