Атырауда екі жасөспірім өзіне қол жұмсады

Атырау облысында екі жасөспірімнің мәйіті табылды. Олар өз-өзіне қол жұмсаған, деп хабарлайды Arbat.Media.

Облыстық Полиция департаментінің мәліметінше, екеуі де суицид жасаған.

«2009 және 2010 жылы туған екі жасөспірімнің өз-өзіне қол жұмсау фактісі бойынша қазіргі уақытта қылмыстық іс тіркеліп, кешенді тергеу шаралары жүргізілуде. Куәгерлерден жауап алынып, кәмелетке толмағандардың араласқан ортасы жан-жақты зерттелуде.

Қайғылы оқиғаның барлық мән-жайын анықтау жұмысы жалғасып жатыр. Тергеу мүддесіне сәйкес өзге ақпарат жариялауға жатпайды», - делінген облыстық Полиция департаментінің хабарламасында.