Каспий құбыр консорциумына тағы да шабуыл жасалды

Каспий құбыр консорциумына тағы да шабуыл жасалды. Салдарынан сыртқы айлақтық құрылғы ауыр зақымданды, деп хабарлайды Arbat.Media.

Шабуыл 29 қараша күні сағат 04:06-да жасалған. Теңіз акваториясында экипажсыз катерлермен жасалған мақсатты террористік шабуыл салдарынан Сыртқы айлақтық құрылғы (ВПУ-2) қондырғысы айтарлықтай зақымданған.

Теңіз терминалындағы жүктеу жұмыстары мен басқа да операциялар дереу тоқтатылып, танкерлер Каспий құбыр консорциумы акваториясынан шығарылды. Консорциум қызметкерлері мен мердігерлер арасында зардап шеккендер жоқ. Мәліметке сәйкес, Қара теңіз акваториясына мұнай төгілген жоқ. Теңіз суынан сынамалар алынып, экологиялық тексеріс жүріп жатыр.

Сонымен қатар, Сыртқы айлақтық құрылғы пайдалануға жарамсыз болып қалды.