Президент «Бағанашыл» балалар үйін 5 млрд теңгеге жөндеп беретін кәсіпкерді қабылдады

Integra Construction KZ бенефициар меншік иесі Шахмұрат Мүтәліп Тоқаевқа өндірістік, тұрғын үй, әлеуметтік нысандарды салу жөнінде баяндады, деп хабарлайды Arbat.Media.

Мүтәліптің айтуынша, компания Алматыдағы «Бағанашыл» балалар үйін 5 млрд теңге жеке қаражаты есебінен қайта жөндеуді бастады.

Айта кетері, 2025 жылы шілдеде Алматыдағы №1 балалар үйін Қонаев қаласына көшіру туралы шешімге балалар қарсы шыққан.

Көшіру кезінде полиция балаларға күш қолданып, автобусқа мәжбүрлеп мінгізбек болған видео тараған еді.

Кейін бұл іске Тоқаев араласып, балалардың ешқайда көшірілмейтінін айтты.