Қостанайда абайсызда көліктен түсіп кеткен ер адамды келесі көлік басып кетті

Қостанай қаласында жантүршігерлік жол-көлік оқиғасы болды. Алтынсарин мен Гоголь көшелерінің қиылысында ер адамды көлік басып кетті, деп хабарлайды Arbat.Media.

Көше қиылысында бұрылып жатқан таксидің есігі кенеттен ашылып, ішінен бір ер адам жолға құлап түскен. Дәл сол сәтте таксидің артынан келе жатқан көліктің жүргізушісі жолда жатқан адамды басып кеткен.

Көліктің астында қалған ер адам қайтыс болды. Кейбір дереккөздердің мәліметінше, ер адам көліктің есігін өзі ашқан болуы мүмкін.

Аталған дерек бойынша әкімшілік іс қозғалды.

"Такси жүргізушісі жолаушыларды тасымалдау қағидасын бұзғаны үшін жауапкершілікке тартылды. Әйел ауруханаға жеткізілді", - деді полиция.