«Қызыл-Жар» футбол клубының бұрынғы президентіне мемлекетаралық іздеу жарияланды

Қаржылық мониторинг агенттігі 1954 жылғы, Қазақстан Республикасының азаматы, Грузия Республикасының Гудаута қаласының тумасы, «Қызыл-Жар СҚ» футбол клубы» ЖШС-нің бұрынғы президенті Григорий Лорияға мемлекетаралық іздеу жариялады, деп хабарлайды Arbat.Media. 

Ол 414 млн теңгеден астам бюджет қаражатын жымқырды және салық төлеуден жалтарды деген күдікке ілінген. Тергеу мәліметінше, күдікті жалған қаржылық құжаттарды пайдаланып, бюджет қаражатының негізсіз аударылуын ұйымдастырған. Сондай-ақ салық есептілігіне жалған мәліметтер енгізген.

2023 жылы клубты қаржыландыруға жергілікті бюджеттен 1,7 млрд теңге бөлінген.

ҚМА Г. Лорияның қайда жүргенін білетін азаматтарды +7 (7172) 70-84-78 нөміріне хабарласуға шақырды.