Тамызда қазақстандықтар қанша күн демалады?

2025 жылдың тамызында қазақстандықтар Конституция күніне байланысты үш күн демалады, деп хабарлайды Arbat.Media.

Биыл мемлекеттік мереке саналатын 30 тамыз – Қазақстан Республикасының Конституциясы күні сенбіге тап келеді. Еңбек кодексіне сәйкес, егер мереке демалыс күніне сәйкес келсе, қосымша демалыс келесі жұмыс күніне, яғни бұл жолы 1 қыркүйек – дүйсенбіге ауыстырылады.

Осылайша, еліміздің азаматтары 30 және 31 тамыз күндерімен қоса, 1 қыркүйекте де демалып, үш күн қатарынан тыныға алады.

Бұдан бөлек, тамыз айының өзге апталарындағы дәстүрлі сенбі-жексенбі күндері де демалыс ретінде сақталады. Атап айтқанда:

• 2-3 тамыз,
• 9-10 тамыз,
• 16-17 тамыз,
• 23-24 тамыз,
• 30-31 тамыз күндері — ресми демалыс күндері саналады.

Жалпы алғанда, 2025 жылдың тамызында қазақстандықтар 10 күн бойы демалады.