Түркістанда бюджет қаражатын жымқырғандарға сот үкімі шықты

Түркістанда бюджет қаражатын жымқырғандарға сот үкімі шықты. Бұл туралы Қаржылық мониторинг агенттігінің баспасөз қызметі мәлімдеді, деп хабарлайды Arbat.Media.

Қазіргі таңда агенттіктің ҚМА Түркістан облысы бойынша департаменті Түркістанда субсидияланатын жұмыс орындары арқылы бюджет қаражатын жымқыру ісі бойынша айыптау үкімін шығарды.

«Еңбек мобильділігі» орталығының бұрынғы директоры, бөлім қызметкері және бірнеше кәсіпкер жалған өтінімдер мен табельдер арқылы мемлекеттік қаражатты заңсыз иемденген. 78 адам жалған жұмысқа орналастырылып, мемлекетке 49 млн теңгеден астам шығын келтірілген.

Сот үкімімен үш адам 4,5 жылдан 5 жылға дейін бас бостандығынан айырылды, екі кәсіпкерге 4,5 жылға бас бостандығын шектеу жазасы тағайындалды. Залал толық өтелген.

Үкім заңды күшіне енген жоқ.