Ұлдана Мырзуанның туыстары бұрынғы күйеубаласынан ақшаның қайда жұмсалғанын түсіндіруді сұрады

Марқұм Ұлдана Мырзуанның анасы мен әпкесі Руслан Өтепбайға берген сұхбатында оның бұрынғы күйеуі Әділет Зейнел отбасыға марқұмның қарыздары туралы айтқанын мәлімдеді, деп хабарлайды  Arbat.Media.

Алайда туыстары оның айтқан қарыз сомалары шындыққа сәйкес келмегенін алға тартады.

Оның айтуынша, Ұлдананың 4,5 млн теңге көлемінде несиесі және 12 млн теңге автонесиесі болған. Алайда ата-анасы банкке жүгінген кезде, Ұлдананың атына мұндай несие мүлде рәсімделмегені анықталған. Ал бұрынғы күйеуінің сөзі бойынша 12 млн теңге болған автонесиенің нақты сомасы отбасының мәліметінше, шамамен 9 млн теңге болған.

Астана әкімдігі марқұмның қарыздарын өтеуге 20 млн теңге бөлген.

Ұлдананың туыстары осы қаражаттың қалған бөлігінің қайда жұмсалғанын Әділет Зейнелден түсіндіруді талап етіп отыр. Олардың айтуынша, бұл сұраққа әзірге жауап болмаған.