Зергерлік бұйымдарды ұрлап, ізін суытқан әйел Стамбулда ұсталды

ІІМ Стамбулда халықаралық іздеуде жүрген 33 жастағы әйелді ұстады, деп хабарлайды Arbat.Media.

Ол 2021 жылдың желтоқсанынан 2022 жылдың маусымына дейін Астанадағы зергерлік дүкендердің бірінде сатушы болып жұмыс істеген. Әйел жалпы құны 156 млн теңгеден асатын бұйымдарды ұрлап кеткен.

27 қарашада түрік құқық қорғау органдарының көмегімен күдікті Қазақстанға депортацияланып, қамауға алынды.

Оған ҚР ҚК-нің 188-бабының 4-бөлігі (ұрлық) бойынша айып тағылды.