Оқу жылы: Мектептерде жаңа сабақ пайда болады
Елімізде мектептерде жаңа сабақ пайда болады. Оқу бағдарламасына буллингке қарсы іс-шаралардың бірі - "Қауіпсіздік сабағы" енгізіліп жатыр. 87 мың қазақстандық оқушы оқу жылын жаңа мектептерде қарсы алды. Жалпы 2024-2025 оқу жылы 536 мың оқушы орнына арналған 302 мектеп пайдалануға беріледі деп жоспарланған, - деп хабарлайды Arbat.media.
Бұл туралы ҚР Оқу-ағарту министрлігі хабарлады, - деп жазады Tengrinews.kz.
"Оқу бағдарламасына буллингке қарсы іс-шаралардың бірі - "Қауіпсіздік сабағы" енгізіліп жатыр. Мұның барлығы отандық білімнің сапасын арттыруға, балалар үшін жайлы әрі қауіпсіз орта құруға бағытталған", - делінген ведомство хабарламасында.
Қыркүйектен бастап мектепке дейінгі ұйымдарда ата-аналарға арналған 3,5 мың кеңес беру пункті өз жұмысын бастайды.
Колледждерде оқитын 300 мыңнан астам студенттің шәкіртақысы 50 пайызға артқан.
1,7 миллион оқушы мектептерде тегін тамақтанумен қамтылады.