Венесуэла мен АҚШ елшіліктерді қайта ашуға ниетті

Венесуэла мен АҚШ дипломатиялық қарым-қатынастарды қайта қалпына келтіруге ниетті, деп хабарлайды Arbat.Media.

Венесуэла президентінің міндетін атқарушы Делси Родригес үкімет екі ел елшіліктерінің жұмысын жандандыруды қарастырып жатқанын мәлімдеді.

Мұның алдында Каракасқа АҚШ мемлекеттік департаментінің қызметкерлері сапар шеккен. Мақсат - Венесуэладағы елшілікті қайта ашу мүмкіндіктерін бағалау. Екі ел арасындағы дипломатиялық қатынастар 2019 жылы үзілген еді.

Ал АҚШ президенті Дональд Трамп Венесуэла бизнес жасауға ашық деп мәлімдеді. Мұны Ақ үй басшысы елдің ірі энергетикалық компанияларының жетекшілерімен кездесуде айтқан.