Бразилияның оңтүстігінде тасқыннан 58 адам қаза тапты
Бразилияның оңтүстігінде рекордтық су тасқыны салдарынан 58 адам қаза тапты. Бразилияның оңтүстік бөлігінде соңғы бірнеше күнде қатты жаңбыр жауды: су тасқынының салдарынан мұнда орналасқан қалалар лас суға батып жатыр, - деп хабарлайды Arbat.media.
Ел билігі ресми түрде кем дегенде 58 адам қайтыс болды, ал 67 адам із-түзсіз жоғалып кетті деп хабарлады.
Бразилияның Рио-Гранде-ду-Сул штатының губернаторы Эдуардо Лейте су тасқынын аймақ тарихындағы «ең алапат апат» деп атады.
Бес мыңға жуық үй су астында қалды, көптеген көпірлер қатты зақымданды.
Бразилия геологиялық қызметінің мәліметінше, қазір су деңгейі 1941 жылы Бразилияның оңтүстігінде болған тарихи су тасқынының деңгейінен асып түсті.
Кейбір қалаларда су деңгейі шамамен 150 жыл бұрын рекордтар басталғаннан бері ең жоғары деңгейге жетті.
Рио-Гранде-ду-Сул штатында 100-ден астам елді мекен зардап шеккені атап өтілді, оның ішінде астана Порту-Алегри де бар.
