Британ барлауы: Ресей гвардиясы ресурсы мен жеке құрамын көбейтуде
Ұлыбритания Қорғаныс министрлігі жариялаған баяндамада Ресей гвардиясы ресурсы мен жеке құрамын көбейтіп жатыр және бұл кеңейту Украинадағы соғыстан туындаған Ресейдің ішкі қауіпсіздігіндегі қатты күйзеліске байланысты екені айтылған, - деп хабарлайды Arbat.media.
2023 жылдың қазан айынан бастап Ресей гвардиясының құрамына "Вагнер" бөлімшелері, ал 2024 жылдың 3 қаңтарынан бастап ДХР деп аталатын «Восток» батальоны кірді, делінген хабарламада.
Сондай-ақ, ұшқышсыз авиация операцияларына маманданған ДХР деп аталатын "Каскад" тобын тарату және оның бөлімшелерін Ресей гвардиясына бағындыру әрекеті де атап өтілді.
Сонымен қатар, 2023 жылдың шілдесінде Ресей Федерациясының Мемлекеттік Думасы Ресей гвардиясына ауыр қаруды қолдануға рұқсат берді.
Британия ведомствосы аталмыш қосымша мүмкіндіктер, сондай-ақ Ресей гвардиясын басқа топтардың тәжірибелі қызметкерлерімен толықтыру олардың жауынгерлік тиімділігін айтарлықтай арттыра алады деп санайды.
