БҰҰ бітімгершілік күштері Израильді айыптады

БҰҰ бітімгершілік күштері Израильді олардың бақылау мұнарасын әдейі қиратты деп айыптайды. Біріккен Ұлттар Ұйымының Ливандағы уақытша күштері (UNIFIL) Израиль әскерлері Ливанның оңтүстігіндегі Марвахим қаласындағы қоршау мен бақылау мұнарасын құлату үшін бульдозерді пайдаланғанын хабарлады. UNIFIL бітімгершілік күштердің «қысым жасалғанына қарамастан» аймақтағы позицияларында қалатынын атап өтті, - деп хабарлайды Arbat.media.

Бұл БҰҰ бітімгершілік күштерінің Ливанның оңтүстігінде «Хезболла» лаңкестік тобының содырларына қарсы әскери операция жүргізіп жатқан Израильді соңғы екі аптада бірінші рет айыптауы емес.

UNIFIL мәліметтері бойынша, IDF бұған дейін көк дулығалардың позицияларына бірнеше рет оқ жаудырған, нәтижесінде бес адам қаза тапқан.

Израиль премьер-министрі Биньямин Нетаньяху UNIFIL күштерін Ливанның оңтүстігінен шығаруға шақырып, Хезболланың оларды «адам қалқаны» ретінде пайдаланып жатқанына назар аударды.

Алайда бітімгершілік күштерінің қолбасшылығы бұған дейін бұл шақыруларды қабылдамады.