Чехия ресейлік ГРУ генералына іздеу жариялады

Чехия ресейлік ГРУ генералын іздеуге жариялады. Ол әскери қоймалардағы жарылыстарды ұйымдастырды деген күдікке ілінген. Чехиялық тергеушілер Еуропада диверсиямен айналысқан ресейлік ГРУ-ның №29155 әскери бөлімін басқарған және 2014 жылы Врбетицадағы қару-жарақ қоймаларын жару операциясын бақылаған генерал Андрей Аверьянов деп есептейді, - деп хабарлайды Arbat.media.

Чехияның қауіпсіздік күштері диверсияны жасағандар ретінде сол бөлімшенің қызметкерлері Александр Мишкин мен Анатолий Чепиганы атайды.

The Insider басылымының хабарлауынша, GRU агенттеріне өз операцияларын жүргізуге Ресейден Чехия азаматтығын алған эмигранттар Николай мен Елена Шапошниковтар көмектескен.

Тергеу мәліметтері бойынша, дәл осылар Аверьяновпен байланыста болған, олар қазір іздеуде.