Джокович журналистердің сұрақтарына қытай тілінде жауап берді

Джокович журналистердің сұрақтарына қытай тілінде жауап берді, - деп хабарлайды Arbat.media.

Күні кеше Сербияның аты аңызға айналған теннисшісі United Cup турнирінің ширек финалында австралиялық Алекс де Минордан жеңіліп қалды.

Бұл жеңіліс Джоковичтің 2018 жылдан бері Австралиядағы алғашқы жеңілісі болды.

Бұған дейін Джокович Пертте қытайлық Чжан Чжичжэньді ұтты.

Қытай Халық Республикасынан келген қарсыласымен өткен матчтан кейінгі баспасөз мәслихатында Джокович қойылған сұрақтардың біріне қытай тілінде бірнеше сөз тіркестерімен жауап берді.

«Жаңа жыл құтты болсын! Қалыңыз қалай? Қолдауыңызға рахмет! Мен Қытай елін жақсы көремін!" – деді де, күлді.

Спортшы полиглот және тіл үйренгенді ұнататын адам ретінде танымал.

Ол серб, ағылшын, неміс, итальян, словак және француз тілдерінде еркін сөйлейді.