Еуропа Украинаға АҚШ-тан жетіспеген көмекті өтеп береді

Еуропа Украинаға АҚШ-тан жетіспеген көмекті өтеп береді деп мәлімдеді Германия қорғаныс министрі, - деп хабарлайды Arbat.media.

Борис Писториус Welt am Sonntag басылымына берген сұхбатында: «Біз ерте ме, кеш пе6 Вашингтоннан келмейтін нәрсенің орнын толтыруымыз керек екені анық», - деді.

Сонымен бірге, оның айтуынша, бәрінтез өтеу мүмкін болмайтын аймақтар болуы мүмкін - еуропалық қорғаныс өнеркәсібі өндіріс көлемін ұлғайтуға уақыт қажет етеді.

«Бізде қарулы күштерде де, өнеркәсіпте де, қоғамда да жететіндей бес-сегіз жыл бар», - деді Писториус Ресейдің де әскери өндірісін айтарлықтай арттырып жатқанын еске салып.

Оның пікірінше, Путиннің Балтық жағалауы елдеріне, Грузия мен Молдоваға қарсы қоқан-лоққыларына «өте байыпты» қарау керек.

«Бұл құр сөз емес. Біз осы онжылдықтың соңында қауіп-қатерге тап болуымыз мүмкін. Бірақ ол кезде біз дайын боламыз. 

Германияға міндетті әскери қызметті қайтару мүмкіндігі туралы сұраққа жауап бере отырып, Писториус «барлық мүмкіндікті қарастырып жатқанын», «бірақ кез келген модель саяси көпшілікті қажет етеді» деді.

Министр Германиядағы міндетті әскери қызметтің жойылуын қателік деп атады.

Сонымен қатар, ол бундесвер қызметкерлерінің мектептерге жиі келіп, студенттерге қызметі мен миссиясы туралы айтып беруін жақтады.

"Бұл милитаризм емес, жалпы білім. Бейбітшілікке үміттену және осы бейбітшілікке кепілдік беру үшін қажетті міндеттерді елемеу бекер. Мен бұл туралы мәдениет министрлерімен және штат үкіметтерінің басшыларымен сөйлесемін", - деп уәде берді Писториус.