Германия Киевке Ресей нысандарына неміс қаруларымен соққы беруге рұқсат берді

Германия Киевке Ресей Федерациясындағы нысандарға неміс қаруларымен соққы беруге рұқсат берді, - деп хабарлайды Arbat.media.

Германия үкіметінің баспасөз хатшысы Штеффен Хебестрейт «Украинаның Ресейдің Харьковқа жасап жатқан шабуылдарынан өзін қорғауға құқығы бар» деп мәлімдеді.

Оның айтуынша, Украина қарулы күштері бұл мақсатта Киевке Батыс одақтастары, соның ішінде Германия жеткізген қару-жарақты пайдалана алады.

Бұған дейін АҚШ Украинаға өздері жеткізген қару-жарақты осы мақсаттарда пайдалануға рұқсат бергені белгілі болды.