Ирактағы АҚШ елшілігі зымыран шабуылына ұшырады

Ирактағы АҚШ елшілігі зымыран шабуылына ұшырады, - деп хабарлайды Arbat.media.

Бүгін таңертең елшілік кешеніне кемінде үш "Катюша" зымыраны атылды.

Жауапкершілікті әлі ешкім мойнына алған жоқ.

Бұл Израиль мен Хамас арасындағы соғыс басталғаннан бері Бағдадтағы Америка елшілігіне жасалған алғашқы шабуыл.

Қазан айының ортасынан бері ираншыл топтар Ирак пен Сириядағы америкалық және коалициялық нысандарға ондаған зымырандық және ұшқышсыз ұшақтармен соққы берді.

Бұған жауап ретінде АҚШ армиясы осы құрамалардың Ирактағы позицияларына бірнеше рет соққы берді.