Исландия Украинаға 2028 жылға дейін қолдау көрсетуге уәде берді
Исландия парламенті 2024-2028 жылдар аралығында Украинаға ұзақ мерзімді қолдау көрсету туралы қарарды қабылдады. Құжатта Киевке көмек ел бюджетіне енгізілетіні түсіндіріледі, - деп хабарлайды Arbat.media.
Исландияның Сыртқы істер министрі Тордис Гильфадоттир бұл шешімді құптап, Украинаға күшті қолдаудың Исландия мен Еуропаның алдында тұрған ең маңызды қауіпсіздік мәселесі екенін атап өтті.
Украина президенті Владимир Зеленский Исландия билігіне қолдау көрсеткені үшін алғыс айтты.
«Исландия - Украинаның сенімді досы, серіктесі және одақтасы, біз Исландияның Ресей агрессиясына қарсы тұрудағы қуатты және жан-жақты саяси және қаржылық көмегін жоғары бағалаймыз», - деп жазды ол X әлеуметтік желісінде.
Наурыз айының соңында Исландия чех бастамасы аясында Украинаға оқ-дәрі сатып алу үшін шамамен 2 миллион еуро бөлетінін мәлімдеді.
