Израиль бір тәулікте Газа секторына жүздеген жауап соққы жасады

Израиль бір тәулікте Газа секторына жүздеген жауап соққы жасады, - деп хабарлайды Arbat.media.

Израиль армиясы бір тәулікте Газа секторының екі аймағында кем дегенде 450 нысанның талқандалғанын жариялап, оларды «террор ұясы» деп атады.

KAN телеарнасының хабарлауынша, Израильде төрт күн ішінде ХАМАС шабуылдары нәтижесінде кемінде 1200 адам қаза тауып, тағы 3000-ға жуық адам жараланған.

Газа секторының денсаулық сақтау министрлігі жаралыларды эвакуациялау кезінде медицина қызметкерлеріне шабуыл жасалғанын хабарлады, деп хабарлайды Al Jazeera.

Телеарна Газаға электр қуатын беру «бірнеше сағатта» толығымен тоқтауы мүмкін деп хабарлайды.

АҚШ, Израиль және Мысыр Газа тұрғындары үшін «қауіпсіз дәліз» құруды талқылап жатыр, деп жазады ВВС.

Газа секторының хабарлауынша, кем дегенде 900 адам қаза тапқан, оның ішінде бірнеше журналист, 4 мыңнан астамы жараланған.