Израильдің Хезболлаға қарсы әуе шабуылынан 274 адам қаза тапқан
23 қыркүйекте Израильдің «Хезболла» нысаналарына жасаған ауқымды соққыларынан 300-ге жуық адам, соның ішінде әйелдер мен балалар қаза тапты, деп хабарлады Ливан билігі. Бір аптаға жетпей 5 мыңға жуық адам жараланған. 23 қыркүйек, дүйсенбі күні Израильдің Ливандағы "Хезболла" қозғалысының нысандарына жаппай соққы беруі нәтижесінде 274 адам қаза тапты, оның ішінде 39 әйел мен 21 бала, деп хабарлады Ливан денсаулық сақтау министрі Фирас Абиад Бейруттегі баспасөз мәслихатында, - деп хабарлайды Arbat.media.
Ливанның NNA мемлекеттік ақпарат агенттігінің хабарлауынша, қаза тапқандар арасында төтенше жағдайлар қызметінің қызметкерлері де бар. Тағы 1000-ға жуық адам жарақат алған деп жазады DW.
Абиад елдің соғыс болып жатқан аймақтарынан мыңдаған отбасы қауіпсіз аймақтарға қашуға мәжбүр болғанын айтты. Сонымен бірге, «бір аптадан аз уақыт ішінде» 5 мыңға жуық адам Израильдің атқылауы нәтижесінде жараланды, деп мәлімдеді Ливан министрі.
Бір ғана пейджерлер мен рациялардың жаппай жарылуынан 3 мыңға жуық адам зардап шеккен. Ливан билігі бұл шабуылға Израильді айыптап отыр.
Ал, Ливанның «Хезболла» лаңкестік тобы Израильге зымыранмен шабуылдарын жалғастыруда. Сонымен бірге, израильдік БАҚ-тың хабарлауынша, 2023 жылдың 7 қазанында соғыс қимылдары басталғаннан бері алғаш рет алыс қашықтыққа соққылайтын зымырандар қолданылуда. Израиль тарапынан қаза тапқандар мен жараланғандар туралы ақпарат жоқ. Израиль премьер-министрі Биньямин Нетаньяху мен қорғаныс министрі Йоав Галант ел тұрғындарын сабырлы болуға және тәртіпті сақтауға шақырды.
