НАТО шекарасынан Владимир Путиннің құпия сарайы табылды

«Досье» тергеу орталығы НАТО шекарасынан Владимир Путиннің құпия сарайын тапты, - деп хабарлайды Arbat.media.

Путиннің табылған резиденциясы Ресейдің солтүстік-батысындағы Карелияда, Финляндиямен шекарадан небәрі 30 шақырым жерде орналасқан. Сарайдың өзі 2016 жылдан бері белгілі, бірақ осы уақытқа дейін ол фотосуреттерде немесе видеосы көрсетілмеген, - деп жазады BILD.

Резиденцияға тек қайықпен немесе тікұшақпен жетуге болады, қону алаңы үлкен ғимараттың артында орналасқан. Жергілікті тұрғындар журналистерге Путиннің Карелиядағы сарайына жылына кемінде бір рет келетінін айтты.

«Досье» орталығының мәліметінше, Ресей президентінің резиденциясы өте заманауи көрінетін негізгі үш ғимараттан тұрады.Ресми түрде нысандар «балық аулайтын жер», «қора» және «бақша үйі» деген атаулармен жасырылған.

Сондай-ақ, дроннан түсірілімде Путин сапарлары кезінде өнімдері мәзірінде болуы мүмкін балық фермасын көрсетеді.Негізгі ғимаратта ауданы 200 шаршы метр асхана бар.Сондай-ақ резиденция аумағында төрт метрлік сарқырама бар.

Арнайы қызметкерлер сарай маңындағы аумақты тәулік бойы күзетеді. Путиннің өзі резиденцияға келгенде қорғаныс айтарлықтай күшейтіледі.