Қытай Ресей мен Украинаны келісімге келуге шақырды
Қытай Халық Республикасының БҰҰ-дағы тұрақты өкілінің орынбасары Гэн Шуан ұйымның Қауіпсіздік кеңесінің отырысында: «Қару соғысты тоқтата алады, бірақ ол қақтығысқа қатысушы тараптарды ұзақ бейбітшілікке шақыра алмайды, атысты тоқтатуға қол жеткізу және соғыс қимылдарын тоқтату үшін саяси ерік-жігер танытып, бір-бірін жарты жолда кездестіріп, бейбіт келіссөздерді мүмкіндігінше тезірек бастаңыз» деді, - деп хабарлайды Arbat.media.
Гэн Шуан Қытайдың Украинадағы соғысқа қатысты ұстанымын «дәйекті және айқын» деп атап, Бейжің қазіргі жағдайға «объективті және бейтарап» көзқарасты қорғайтынын түсіндірді.
Ол, сондай-ақ, Ресей Федерациясына қару-жарақ жеткізу туралы қауесеттерді жоққа шығарып, Қытай мен Ресей арасындағы экономикалық және сауда ынтымақтастығы Дүниежүзілік сауда ұйымының (ДСҰ) ережелеріне, нарықтық қағидаттарға сәйкес келеді және халықаралық құқықты бұзбайды деді.
