Ресей агрессиясын қолдағаны үшін сербиялық актер сериалдан шығарылды

Сербиялық актер «Ақ лотостың» жаңа маусымында рөлге ие болмайды, оған Ресейдің әскери агрессиясын қолдады деген айып тағылды, - деп хабарлайды Arbat.media.

Америкалық HBO арнасы Милош Биковичпен ынтымақтасудан бас тартты, актердің өзі де бұл ақпаратты Instagram-дағы аккаунтында растады.

Бұған дейін Украина Сыртқы істер министрлігі Биковичке «Украинаға жаппай басып кіру басталғаннан бері Ресейді қолдады» деп айыпталған видео жариялаған. Пост HBO арнасына: «Сізге геноцидті қолдайтын және халықаралық құқықты бұзатын адаммен бірге жұмыс істеу дұрыс па?» деген хабарламамен аяқталды.

Бикович Ресейдің Украина аумағына кең ауқымды әскери басып кіруін жария түрде қолдамаған. Соғыс басталғаннан кейін ол ақ төртбұрышты және «Соғыстың болмағаны жөн еді. Білемін, бұл аңғалдығым» деген жазбасын жариялаған.

Актер HBO-ға қысым көрсетуді «мақсатты ақпараттық науқан» деп атады, оның нәтижесі «абсурд салтанаты мен өнердің жеңілгені» болды.

Айта кетсек, «Ақ лотос» — 2021 жылдан бері HBO арнасында көрсетіліп келе жатқан Майк Уайт түсірген және жазған танымал америкалық сериал. Әр маусымда әлемнің әртүрлі жерінде демалатын бай туристер туралы айтылады.

2024 жылдың қаңтарында Милош Бикович серияның үшінші маусымында ресейлік йога жаттықтырушысының эпизод рөліне тартылған болатын.