Солтүстік Корея алғаш рет ядролық центрифугаларын көрсетті

Солтүстік Корея алғаш рет ядролық центрифугаларын көрсетті. Солтүстік Корея телеарнасы ел басшысы Ким Чен Ынның «қару-жараққа жарамды атом материалдарын шығаратын өндірістік базаға» барған сәті түсірілген кадрларды жариялады, - деп хабарлайды Arbat.media.

Ким уранның қалай байытылатынымен және ядролық оқтұмсықтардың шығарылатынымен танысты, деп нақтылады KCNA ақпарат агенттігі. Ким теледидар камерасына Солтүстік Корея «өзін-өзі қорғау үшін ядролық қаруды өндіруді экспоненциалды түрде арттыру» үшін центрифугалардың санын көбейтуі керек екенін айтты.

Солтүстік Корея алғаш рет ядролық сынақтарын 2006 жылы өткізді. Зымырандық және ядролық бағдарламаларына байланысты бұл ел БҰҰ санкцияларында.