Тергеу: Игорь Тальковты концерттік директоры Валерий Шляфман өлтірген

Ресей Федерациясындағы тергеу әнші Игорь Тальковты 1991 жылы оның концерттік директоры Валерий Шляфман өлімші етіп жаралаған деген қорытындыға келді, - деп хабарлайды Arbat.media.

Ол «Юбилейный» спорт сарайының шымылдығының артында қақтығыс кезінде артистердің бірі Игорь Малаховтың өкіліне револьвермен оқ жаудырған.

Валерий Шляфманға кісі өлтірді және өлтіруге оқталды деген айып тағылып отыр, деп хабарлайды РФ Тергеу комитетінің Санкт-Петербург қаласы бойынша Бас тергеу басқармасы.

«1992 жылы Израильде жасырынған Шляфманға тергеу органдары абайсызда кісі өлтіргені үшін айыпталушы ретінде сырттай айып тағылды», - делінген хабарламада.

Қазір тергеушілер Шляфманның қасақана қылмыс жасауға қатысы бар деген қорытындыға келді.

Тергеу комитетінің хабарлауынша, бүкіл Ресей бойынша тергеу аясында 150 куәгерден, оның ішінде оқиға орнында болған эстрада әртістері, спорт сарайының қызметкерлері мен полиция қызметкерлері тергелген.

Сонымен қатар, тергеушілер сотталушының кісі өлтіруге қатысы барын анықтау үшін қажет болған қан ізі бар Шляфманның жейдесінің жыртындыларын зерттеді.